Msanii Prodigy Wa Kundi La Mobb Deep Afariki Dunia Las Vegas,

Rapa wa kundi la Mobb Deep, Prodigy amefariki dunia mjini Las Vegas akiwa na umri wa miaka 42. Prodigy alikuwa akisumbuliwa na ugonjwa wa Sickle Cell Anemia toka utotoni.

Msemaji wake amethibitisha taarifa hizi nakusema Prodigy aliugua ghafla baada ya show ya kundi hilo Vegas na na kupelekwa hospitalini akisumbuliwa na Sickle Cell Anemia.

Madaktari na polisi wanaendelea na uchunguzi juu ya kilichosababisha kifo cha rapa huyu.

Prodigy alikuwa Las Vegas kwenye ziara ya Art of Rap na wasanii kama Ghostface Killah, Onyx, KRS-One, na Ice-T.

Prodigy na Havoc, waliunda kundi la Mobb Deep mjini New York miaka ya tisini na kuteka muziki kupitia rekodi zao kubwa kama “Quiet Storm” na “Shook Ones.”

Usipitwe!! Jiunge nasi kupitia Facebook, Twitter na Instagram ili kupata habari zote za town! Usikose kujiunga na Youtube kuangalia video zote kali kutoka HabNews Tv

Bonyeza HAPA kupakua application yetu na upate habari punde zitufikiapo